Náttúrustofa Norðurlands vestra

Málþing um Jakob H. Líndal

Víðihlíð  14. apríl 2012

Markmið með málþingi þessu er að kynna líf og starf bóndans og fræðimannsins Jakobs H. Líndal með erindum sérfræðinga á sviði bú-, náttúru- og jarðvísinda.

Lítil sýning af munum Jakobs verður í Víðihlíð, þar sem sjá má vinnuaðstöðu hans, dagbækur, kort, steinasafn ofl.

Dagskrá:

Staður og tími: Félagsheimilið Víðihlíð laugardaginn 14. apríl 2012 frá kl. 12.00-17.00.

9.00          Rúta leggur af stað frá N1 Ártúnshöfða-þarf að panta í hana

12.00        Léttur málsverður

13.00        Málþing sett

13.10       Ávarp: Lára Magnúsardóttir forstöðumaður Rannsóknaseturs Háskóla Íslands á Norðurlandi

13.30        Magnús Tumi Guðmundsson. Prófessor við jarðvísindasvið Háskóla Íslands-Jarðeðlisfræðingur-Æviágrip Jakobs H. Líndal. Grein sem birtist í jarðfræðiriti Breska jarðfræðifélagsins eftir Jakob.

14.00        Sigríður Friðriksdóttir jarðfræðingur frá Hrísum í Fitjárdal. Jarðfræði Víðidals

14.15        Ólafur Óskarsson. Áhrif Jakobs á íslenskan landbúnað.

14.30        Kaffi og umræður

15.00        Sveinn Jakobsson. Doktor hjá Náttúrustofnun Íslands og bergfræðingur

Berglög sem Jakob rannsakaði víða um land

15.30        Skúli  Skúlason rektor Háskólans á Hólum. Nám og starf Jakobs í Hólaskóla

Nemandinn og kennarinn Jakob H. Líndal

16.00        Tumi Tómasson í boði Veiðfélags Víðidalsár, Doktor hjá Hafrannsóknarstofnun og fiskifræðingur

Jakob H. Líndal var lengi formaður Veiðifélags Víðidals ár og einn af stofnendum

16.30       Þorsteinn Sæmundsson. Doktor í jarðfræði og forstöðumaður hjá Náttúrustofu Norðurlands vestra

Jakob H. Líndal kennismiður um myndun Vatndalshóla og annarra berghlaupa. Steingervingar í Bakkabrúnum

17.15        Ferð um Víðidalinn

Jarðfræði Víðidals, Borgarvirki, Steingervingar í Bakkabrúnum í Víðidal.

19.00        Hátíðarkvöldverður á Gauksmýri

22.00        Rúta til Reykjavíkur

Matseðill á hátíðarkvöldverði

Appelsínumareneraður lax á salatbeði með appelsínusósu

Lamb a´la Gauksmýri

Heimalagaður ís með heitri súkkulaði sósu og rommlegnum rúsínum.

Einnig er hægt að panta gistingu á Gauksmýri í síma 451-2927

Herbergi fyrir tvo 10.000 kr

Einstaklingsherbergi 7.000 kr

Með góðri kveðju,

F.h. áhugamanna um líf og störf Jakobs H Líndal

Fh. Áhugahópsins Sigríður Hjaltadóttir

Sólbakka

531 Hvammstangi

Vinsamlegast lofaðu okkur að vita hvort þú hefur tök á að vera með okkur,

fyrir 10. apríl n.k, í síma 692-8440 eða 845-2838 og ef þú vilt koma með rútu þarf að panta fyrir 6. apríl og greiða 2000 kr staðfestingagjald.

Hin árlega ferð náttúrustofu Norðurlands vestra og náttúrustofu Suðurlands á Morsárjökul var farin 9. ágúst síðastliðin. Tilgangur ferðarinnar er að mæla breytingar sem eiga sér stað á jöklinum eftir að stórt bergflóð féll á hann í mars árið 2007. Ferðin var farin í blíðskaparveðri og með í för voru nokkrir góðir gestir úr Skagafirði. Þeir Gísli Einarsson og Karl Sigtryggsson úr Landanum komu einnig með og var leiðangurinn myndaður í bak og fyrir. Afraksturinn má sjá á http://dagskra.ruv.is/sjonvarpid/4579867/2011/08/14/0/

Gengið á Morsárjökul

Rannsóknarhópur á vegum Náttúrustofu Suðurlands kom við hér í Skagafirði nú á dögunum á hringferð sinni um landið í lunda rannsóknum. Erpur Snær Hansen sem fer fyrir hópnum er að kanna varpárangur lundans í seinni ferð sinnu um landið í sumar. Starfsmaður náttúrustofunnar slóst í för með hópnum og var farið í Lundey, Drangey og Málmey. Páll Stefánsson flutti okkur út í Lundey en Viggó Jónsson sá um að flytja okkur í Drangey og Málmey. Í ferðinni veru gerðar mælingar á holufjölda í lundavörpum og einnig voru notaðar holumyndavélar til að skoða varpárangur lundans. Frumniðurstöður benda til þess að lundinn er í góðum málum hér í Skagafirði. Mikið um unga í holum og allt svart af lunda í Drangey eins og meðfylgjandi myndir sína. Ekki spillti fyrir ánægjunni að sjá að lundinn var með fulla gogga af æti. Þetta eru virkilega ánægjulega niðurstöður eftir vægast sagt dapran varpárangur hjá lundanum undanfarin ár.

Stoltur lundi með æti. Ljósm. Ingvar Atli Sigurðsson 2011