Fuglaskoðun

Fuglaskoðun í Skagafirði

Náttúrustofa Norðurlands vestra hefur staðið fyrir uppsetningu fuglaskilta í Skagafirði. Skiltin eru staðsett við Áshildarholtsvatn, við tjarnir við Alexandersflugvöll, við Garðsvatn í Hegranesi og í grennd við bæinn Keldudal við sunnanvert Hegranes. Á öllum þessum svæðum er mikið og fjölbreytt fuglalíf og er nánari lýsingu á svæðunum að finna hér að neðan.

Áshildarholtsvatn

Við Áshildarholtsvatn er að finna einstakt fuglalíf sem vert er að skoða. Vatnið og bakkar þess eru friðaðir. Það voru ábúendur við vatnið sem sameinuðust um friðunina sem hefur skilað sér í fjölbreyttu fuglalífi.

Tegundir sem sjá má við Áshildarholtsvatn:

Flórgoði, hrossagaukur, rauðhöfði, jaðrakan, stokkönd, skúfönd, gargönd, urtönd, duggönd, álft, grágæs

Tjarnir við flugvöll

Á tjörnunum við Alexandersflögvöll, sem eru að hluta til manngerðar, hafa sést margar tegundir fugla. Sýna þessar tjarnir fjölbreytta flóru fuglalífsins í Skagafirði.

Tegundir sem sjást á tjörnunum:

Lóuþræll, kría, rauðhöfði, jaðrakan, stokkönd, skúfönd, gargönd, urtönd, duggönd, stelkur, óðinshani, stormmáfur.

Sunnanvert Hegranes

Fuglalíf á sunnanverðu Hegranesi er mikið og fjölbreytt. Ýmsar tegundir fugla er að finna þar. Svæðið bíður upp á mikla möguleika hvað varðar fuglaskoðun og útiveru.

Tegundir sem sjást við sunnanvert Hegranes:

Himbrimi, lómur, fýll, helsingi, grágæs, heiðagæs, álft, stokkönd, urtönd, rauðhöfðaönd, duggönd, skúfönd.

Garðsvatn

Garðsvatn tilheyrir Austara-Eylendi Skagafjarðar. Svæðið hentar einkar vel til fuglaskoðunar en mikið og fjölbreytt fuglalíf er við vatnið. Góður útsýnisstaður er af bílastæði rétt ofan við vatnið.

Tegundir sem sjást við Garðsvatn:

Flórgoði, óðinshani, rauðhöfði, hettumáfur, stokkönd, skúfönd, toppönd, urtönd, duggönd, himbrimi, álft, grágæs.

Helstu fuglategundir í Skagafirði