Fuglarnir í garðinum

Einar Þorleifsson, náttúrufræðingur hjá Náttúrustofu Norðurlands vestra og Selasetri Íslands mun halda erindi um helstu fugla í nærumhverfi okkar og þær fuglategundir sem er að vænta í góðum fuglagarði. Fyrirlesturinn verður haldinn í Selasetrinu á Hvammstanga þann 21. nóvember á milli kl. 20 og 21. Í fyrirlestrinum verður meðal annars fjallað um eftirfarandi:

  • Hvaða tré og runnar laða að fugla með berjum, fræjum og skordýrum eða skjóli og hreiðurstæðum.
  • Fuglahús, hreiðurkassar, fóðurbretti og vatn handa fuglunum.
  • Fuglafóðrun: hvaða æti hentar hverri fuglategund og margt fleira sem við getum gert til að laða að fugla.

Vikið verður að nýjum fuglategundum sem eru að nema land á Norðvesturlandi.